"aprende hamutuk" : komunikasaun matchy

Aula 1^a Psokolojia Komunikasaun

D 10 (22/02/2015)

Semestre VII/DKS/FSS

Definisaun Psikolojia Komunikasaun:

1.1. Psikolojia

1.2. Komunikasaun

1.3. Importánsia Psikolojia iha Komunikasaun

I. Introdusaun

1. Psikolojia,

Ema nu’udar umanu úniku fizikamente no rasionál tan iha hanoin ne’ebé dinámika, hodi bele interpreta hikas asuntu ruma ho liberdade. Maibé diferente iha hanoin maské iha ema nain rua maka kaduak mós labele hanesan porsentu 100. Relasiona ho deferénsia ne’ebé iha, lori ema ida labele moris mesak iha nia moris tomak tan individu ida hola parte ba família hafoin hela iha komunidade ida nia le’et liuhusi interasaun ho ema seluk.

Jeralmente, Psikolojia disiplina ne’ebé estuda hahalok organizmu nian, ho atensaun espesiál maka hahalok ema nian. Hodi análiza prosesu mentál no forsa entendimentu sira atu kompriende hahalok sira ema nian. Plato no Aristoteles iha sira-nia konseitu, psikolojia estuda kona-ba ema nia hahalok no prosesu sira, liuhusi relasaun sira ho ambiente moris nian. Embora tuir Gates (1931), tenta no hetan aktu jerál ne’ebé esplika detalla hahalok organizmu moris ida. Nune’e, hodi klasifika atividade oioin ne’ebé konsege hala’o husi ema nia kapasidade mentál no komportamentu sira nomós animál sira.

Iha sékulu dasanulu resin wauluk, liuhusi perspetiva psikologu sira katak ema sai kriatura autonomu. Nune’e, hanoin ne’ebé integradu iha ema nian an maka fatór atu prodús no atualiza informasaun ho forsa ne’ebé iha. Embora iha matenek nain sira área komunikasaun sira konsidera importánsia mudansa hahalok ema nian mak efeitu husi interasaun.

2. Komunikasaun

Liafuan komunikasaun etimolojikamente mai husi dalen Inglés katak “communication” no iha dalen Latina “communicatio” signifika fó hatene ka troka hanoin ruma (Suparato, 2011:5). Iha sentidu fó hatene, uza termu komunikasaun mak informa. Informa hanesan hato’o ba ema ruma ka sosiedade ida, mensajen ka informasaun atuál kona-ba isu ruma, nomós konteudu troka hanoin. Iha ne’e katak komunika indireita liuhusi média no direita entre ema nain rua ka grupu ho uza liafuan. Tuir Webster;

“Komunikasaun hanesan prosesu ne’ebé troka informasaun entre individu, liuhusi sistema prosesuál ne’ebé hahú husi ema (komunikadór) hato’o estímulu sira ba ema seluk (komunikandu/ reseptór) forma ho liafuan sira ho objetivu atu muda hahalok ema seluk nian ho hato’o informasaun ruma kona-ba isu aktuál sira” (http://thequinni.wordpress.com/2012/03/04/awal-mula-/, asesu iha loron 02/07/2013).

Prosesu troka informasaun ka hanoin ba malu ne’e importante tebtebes tanba bele troka ba malu ideia no hanoin ne’ebé sai hanesan informasaun foun ba ema, atu hatene akontesimentu ruma ho distánsia dook husi fatin ne’ebé hela ba. Nune’e, komunikandu sente afetivu ho konseitu liafuan ne’ebé komunikadór hato’o no komunikandu mós iha reasaun ka presiza esklaresimentu ruma.

Komunikasaun sai fatór determinante iha ema-nia moris lor-loron nian, tanba ema hanesan kriatura rasionál no sosiál ne’ebé sempre presiza malu iha atividade sira. Nune’e, laiha ema ida ne’ebé moris mesak durante moris tomak, entaun liuhusi komunikasaun, asaun sira la’o ho liña kontatu komunikabel no susesíbel. Tuir Harold Laswell;

“Komunikasaun bázikamente hahú ho prosesu ne’ebé esplika kona-ba sé, hato’o saida, liuhusi kanál saida, ba sé no influénsia oinsá, hodi simboliza 5W+H (Who says what in which channel to whom and with what effect), mezmu modelu komunikasaun ne’e klásiku ka antigu ona maibé koñesidu to’o ohin loron” (Muhammad, 2011: 5).

Husi kontekstu definisaun komunikasaun ne’e liga ba prosesu komunikasan, ema presiza malu bainhira atu fó no simu informasaun liuhusi fonte (ema) ka média. Nune’e, informasaun ne’e iha efeitu no reasaun. Efeitu no reasaun ne’e signifika katak komunikadór hato’o informasaun, informasaun ne’e iha efeitu ba komunikandu. Liuhusi efeitu ne’e hamosu reasaun husi komunikandu, atu informadu kona-ba asuntu ruma, kria hanoin foun no muda moris mesak ba moris sosiál. Komunikasaun iha efeitu bainhira informasaun komunikandu simu bele komprende konteúdu informasaun ne’ebé hato’o husi komunikadór (Daryanto, 2011: 147). Liga bá mezajen ka informasaun, efeitu no reasaun bele susesu maka presiza disiplina ida atu akomula parte hirak ne’e husi idaidak nia fatin.

3. Psikolojia Komunikasaun

Psikolojia komunikasaun nu’udar disiplina ne’ebé mai husi psikolojia sosiál, hafoin dezenvolve sai matéria ka disiplina ida iha área komunikasaun sosiál. Iha konteúdu psikolojia komunikasaun sei aprende kona-ba interasaun no komunikasaun entre ema ida ho ema seluk relasiona ho psikolojia.

Psikoljia importante liu atu ajuda ema iha situasaun sosiál. Oinsá ema ida bele influénsia ba ema seluk iha ambiente ida. Relasiona ho tradisaun sosiolojia ohin loron nian fó atensaun liubá ema iha parte rekolla informasaun, no individu planeia estratejia menzajen nian, ema ne’ebé simu menzajen, nomós efeitu husi menzajen ba individu ka ema ne’ebé simu menzajen. Nune’e, iha teoria, Psikolojia Komunikasaun nu’udar teoria kona-ba hahalok ema nian (Trait theory) hodi identifika variavel personalidade nomós menzajen ne’ebé hato’o no efeitu sira ho interasaun.

Iha estudu psikolojia komunikasaun ne’e, sei estuda mós fundamentalmente fó orientasaun kognitivu ne’ebé ho perspetiva ba ema oinsá prodús no uza informasaun sira ne’ebé sira hetan, hafoin liuhusi individu ida nia atensaun ba (input) “informasaun” , no output maka planu no asaun (behavior), husi sistema kognitivu ne’ebé integradu iha ema nia an.

Iha teori psikologu komunikasaun nian hafahe ba ramun tolu: teoria behavioral, teoria kognitivu no teoria biolójiku;

1. Teoria behavior,

Iha kontekstu husi teoria ne’e, foka liu atensaun ba hahalok ema nian ho asaun ba situasaun ruma iha komunikasaun ne’ebé individu ne’e hasoru. Nune’e, iha relasaun ne’ebé forte entre menzajen (informasaun) no resposta (asaun husi individu).

2. Teoria kognitivu,

Teoria kognitivu, nu’udar teoria ne’ebé fó atensaun ba informasaun maka ema hetan, asegura, reprodús informasaun hirak ne’e, hafoin rezulta hahalok no asaun sira. Hahalok no asaun individu nian iha parte ida ne’e, la depende de’it ba menzajen no resposta maibé mós mentalidade ne’ebé akotese iha momentu produsaun menzajen nian.

3. Teoria biolójika

Biolójiku katak parte ne’ebé iha ligasaun ema nia isi lolon. Nune’e, teoria biolójika hatuur nia esplikasaun kona-ba menzajen husi estrutura no funsaun kakutak (brain) nomós fatór jenétika ne’ebé iha fó efeitu ba nia hahalok rasik. Teoría ne’e, koñesidu iha tinan 1990 ne’ebé dezenvolve mós estudu jenétika ema nian. Ho ida ne’e, komportamentu, maneira hanoin no hahalok sira la influénsia husi fatór situasionál maibé afetadu husi fatór biolojika ne’ebé iha nanis ona.

Referénsia

1. Morissan, (2013), Psikologi Komunikasi, Edisaun II, Ghalia Indonézia.

2. Rakmat, Jalaluddin (2012), Psikologi Komunikasi, Edisaun II, PT REMAJA RODAKARYA.

3. Hamid, Morissan, no Wardani (2013), Teori Komunikasi massa, Edisaun II, Ghalia Indonézia

4. http://thequinni.wordpress.com/2012/03/04/awal-mula-/, asesu iha loron 02/07/2013).

5. http://www.dosenpendidikan.com/11-pengertian-dan-fungsi-psikologi-menurut-para-ahli/, asesu iha loron 12/2/2016.

AULA 3^A PSOKOLOJIA KOMUNIKASAUN

D 21 (11/03/2016)

Semestre III/DKS/FSS

Sistema komunikasaun intrapersonál no nia komponente sira:

1. Sensasaun,

2. Persepsaun,

3. Jéneru memória

III. Sistema komunikasaun intrapersonál no nia komponente sira:

3.1. Definisaun

Bainhira ita ko’alia kona-ba sistema komunikasaun intrapersonál, mak ita sei haree kona-ba lala’ok komunikadór ida nian. Komunikasaun intrapersonál ne’e akontese iha individu ida nia laran bainhira nia hetan informasaun ruma. Sistema komunikasaun ida ne’e akontese inicialmente atu prosesa informasaun sira relasiona ho perspetiva ida. Tanba ne’e, atu komunika ho ema ruma presiza hatene an no oinsá bele komunika atu bele kria konseitu ida ne’ebé efetivu, (Rakhmat 2000:49).

Iha aula ne’e, ita sei ko’alia kona-ba ema ne’ebé simu informasaun, asegur ka rai, reprodus hikas informasaun ne’ebé sira hetan. Prosesu reprodusaun ba informasaun iha ne’e, hanaran komunikasaun intrapersonál. Sistema komunikasaun ne’e kompostu husi sensasaun persepsaun, memória no hanoin. Sensasaun mak prosesu simu estímulu. Persepsaun hanesan prosesu fó signifikadu ba estímulu to’o ema bele hetan koñesimentu foun ruma, embora iha parte seluk persepsaun muda sensasaun sai informasaun. Memória hanesan prosesu rai informasaun no intrepreta hikas realidade husi informasaun sira maka hetan ona, no ikus liu maka hanoin halo reprodusaun no manipulasaun ba informasaun sira hodi ajuda nesesidade moris nian.

a. Sensasaun

Iha faze dahuluk, bainhira simu informasaun maka hanaran “sensasaun”. Sensasaun ne’e, mai husi liafuan “sense”, katak instrumentu sensorial, ne’ebé iha relasaun entre organizmu no ambiente nian. Tuir Benyamin (Rakhmat, 2012: 48), katak sensasaun hanesan esperiénsia elementáriu ne’ebé imediatu no la nesesáriu iha analiza kontekstuál, no prioridade ba atividade instrumentu sensorial.

Normalmente, ita estuda no hatene iha elementu sensoriál lima. Nune’e mós Psikologu sira kategoriza parte sensoriál ne’e, importante mós hodi bele uza ba haree, rona, sente horon, koko. Iha elementu sensór ne’ebé hanaran reseptór (matan no tilun) bazeia ba informasaun ne’ebé iha.

b. Persepsaun

Persepsaun ne’e akontese bainhira iha esperiénsia kona-ba objetu, evento ka relasaun ne’ebé la’o entre informasaun ho individu ida no ikus rezulta deinifisaun ida. Tanba ne’e persepsaun fó definisaun ba estímulu sensorial. Iha parte sensasaun ho persepsaun iha relasaun ida ne’ebé determinadu, nune’e, sensasaun hola parte mós iha prosesu persepsaun ida.

Aleinde komponente hirak husi sensasaun, tuir David Krech ho nia belun sira katak persepsaun mós iha fatór ne’ebé influénsia mak atensaun tanba atensaun ne’e hanesan prosesu mentál ida ne’ebé hola parte ba konsiénsia bainhira iha estímulu oioin mak iha individu nia oin. Nune’e, presiza atensaun hodi konsentra hanoin ba objetu ida.

c. Memória no jéneru sira

Iha komunikasaun intrapersonál, memória iha papel importante ho influénsia ba persepsaun no hanoin ema ida nian. Iha kontesktu ne’e rasik memória lori ita ba psikolojia kognitifi ne’ebé simu no reprodús informasaun sira ne’ebé hetan ona. Maibé memória mós iha jéneru oioin tuir nia funsaun sira hanesan; reprensaun (recall), rekoñesimentu (Recognition), aprende fila fali (relearning) no redintegrasaun (Redintegration), (Rakhmat, 2012: 63).

1. Reprensaun (recall), nu’udar prosesu ativu ne’ebé relembra hikas fakta no informasaun kada liafuan.

2. Rekoñesimentu (Recognition), iha ita-nia momória parte ida ne’e, relembra ho lalais asuntu oioin ne’ebé hetan ona.

3. Aprende fila fali (relearning), aprende no simu informasaun ruma ne’e bele lalais maibé presiza haree fila fali hodi kompriende parte husi xave sira,

4. Redintegrasaun (Redintegration), iha ne’e momória rekonstrui hikas fali akontesimentu ne’ebé liu ona iha pasadu.

Iha mós teoria balun ne’ebé fó esplikasaun no definisaun ba memória maka teoria AUS (Disuse Theory), no teoria produsaun informasaun; tuir teoria AUS ne’e katak ema ida nia memória ne’e lakon tanba tempu, bainhira tempu aumenta mak forsa husi memória ne’e mós bele haluhan ka menus, tanba ne’e parte ida importante mak estuda hikas fali. Tuir William James katak memória ne’e memoriza beibeik maka forsa memória komesa menus.

Teoria produsaun informasaun, simplesmente teoria ne’e, hato’o katak informasaun sira uluk liu sempre asegura iha armajen sensoriál (sensory storage), tanba ne’e atu hanoin fila fali presiza uza nia kódigu ka xave sira iha konteúdu ida. Duké memoriza husi pontu to’o pontu, bainhira haluhan mak sei labele iha tan informasaun ruma.

Referénsia

1. Morissan, (2013), Psikologi Komunikasi, Edisaun II, Ghalia Indonézia.

2. Rakmat, Jalaluddin (2012), Psikologi Komunikasi, Edisaun II, PT REMAJA RODAKARYA.

3. Hamid, Morissan, no Wardani (2013), Teori Komunikasi massa, Edisaun II, Ghalia Indonézia

4. http://thequinni.wordpress.com/2012/03/04/awal-mula-/, asesu iha loron 02/07/2013).

5. http://www.dosenpendidikan.com/11-pengertian-dan-fungsi-psikologi-menurut-para-ahli/, asesu iha loron 12/2/2016.

6. https://www.academia.edu/7155053/PEMIKIRAN_FENOMENOLOGI_MENURUT_EDMUND_HUSSERL, asesu iha loron 25/2/2016.

DNA merupakan singkatan dari deoxyribonucleic acid atau dalam Bahasa Indonesia disebut asam deoksiribonukleat. DNA berasal dari tiga kata utama yaitu deoxyribo, dan nucleid acid (asam nukleat). Arti kata deoxyribo (Wikipedia) adalah gula yang kehilangan atom oksigennya, sementara arti kata asam nukleat (Wikipedia) adalah molekul yang mengandung informasi genetic.

DNA é a abreviação de ácido desoxirribonucléico, ou no ácido desoxirribonucleico chamado indonésio. ADN derivado a partir dos três palavras principais que Deoxyribo, e ácido nuclídeo (ácidos nucleicos). Deoxyribo palavra significado (Wikipedia) é um açúcar que é perdido átomos de oxigénio, enquanto o significado de um ácido nucleico (Wikipedia) é uma molécula que contém a informação genética.